Лідская Батлейка - пераможца фестывалю батлеечных тэатраў

         Народны лялечны тэатр «Батлейка» Лідскага аддзела рамёстваў і традыцыйнай культуры стаў пераможцам VI адкрытага рэгіянальнага фестывалю батлеечных тэатраў «Чароўны свет Батлейкі».

         Фестываль праходзіў у фармаце дыстанцыйнага ўдзелу. На суд журы было прадстаўлена 18 спектакляў батлеечнага мастацтва ад калектываў Гродзенскай, Віцебскай і Мінскай абласцей.

         Спектакль «Зімовыя прыгоды Юрася і Ганкі» быў адзначаны дыпломам “Лепшы спектакль”. Кампетэнтнае журы высока ацаніла акцёрскае майстэрства, выдатную сцэнаграфію, аўтарскую ідэю і арыгінальны сцэнар каляднай гісторыі.

 

         Дзякуючы сумеснай суладнай працы, ва ўдзельнікаў батлеечнага тэатра атрымалася здабыць перамогу!

Write a comment

Comments: 0